Ադրբեջանի նախագահ Իլհամ Ալիևի նախկին թիկնապահ Մահիր Մամեդովին մահացած են գտել Թուրքիայի Այդըն քաղաքի առողջարանային շրջանի հյուրանոցում․ հաղորդում է Türkiye թերթը:
«Իր հյուրանոցային համարում մահացած են գտել 50-ամյա Մահիր Մամեդովին, որը ժամանակին եղել է Ադրբեջանի նախագահ Իլհամ Ալիևի անձնական թիկնապահը: Մամեդովի մահվան ճշգրիտ պատճառը կպարզվի դիահերձումից հետո», - գրում է պարբերականը։
Միջադեպը տեղի է ունեցել կեսօրին՝ հինգաստղանի հյուրանոցում ։
«Ադրբեջանի քաղաքացի հիսունամյա Մահիր Մամեդովը Քուշադասի է եկել 3 օր առաջ՝ իր կնոջ՝ Քեմալ Մամեդովայի և որդու հետ հանգստանալու», - գրել Է թերթը:
Պարբերականը գրում է, որ երեքշաբթի նախաճաշից հետո Մամեդովն ու նրա ընտանիքը գնացել են սենյակ՝ հանգստանալու: Որոշ ժամանակ անց նրա կինն ու որդին գնացել են զբոսանքի, իսկ վերադառնալուց հետո Մամեդովին հայտնաբերել են անշարժ պառկած հատակին։
