Համացանցում հայտնվել են Վոլգոգրադի՝ խիստ ռեժիմի ուղղիչ գաղութում տեղի ունեցած արտակարգ միջադեպի կադրերը։ Ըստ ռուսական լրատվամիջոցների՝ բանտարկյալները պահանջում են մեքենա, ուղղաթիռ, որը պետք է իրենց տեղափոխի Վրաստան և 2 միլիոն դոլար։ Հաղորդվում է, որ նրանք ծայրահեղ իսլամիստական խմբավորման կողմնակիցներ են։
Լրատվամիջոցները հայտնում են, որ պատանդներ վերցնելուն մասնակցել են Ուզբեկստանի և Տաջիկստանի՝ դատապարտված քաղաքացիներ։ Համացանցում հայտնվել են նրանց լուսանկարները՝ Ուզբեկստանի քաղաքացիներ Տոշևա Ռամզինդինը և Հուսինով Թեմուրը, ինչպես նաև Տաջիկստանի քաղաքացիներ Նավրուզի Ռուստամչոնը և Տոշով Նազիրչոնը: Երեքին դատապարտել են թմրանյութերի գործով, Հուսինովին մեղավոր են ճանաչել առողջությանը ծանր վնաս պատճառելու համար։ Նրանք բոլորը դատապարտվել են առաջին անգամ։
Հիշեցնենք՝ դեպքը տեղի է ունեցել կարգապահական հանձնաժողովի նիստի ժամանակ։ Կա զոհ. սպանվել է բանտապահներից մեկը։ Հաղորդվում է չորս հոգու պատանդ վերցնելու մասին։ Եւս 4-ը, այդ թվում՝ կալանավայրի ղեկավարը ծանր մարմնական վնասվածքներով գտնվում են վերակենդանացման բաժանմունքում։
Վոլգոգրադի Սուրովիկինո բնակավայրում գտնվող ուղղիչ գաղութը, ըստ վարչական շրջանի ղեկավարի, բնակելի շենքերից գտնվում է զգալի հեռավորության վրա, և կատավարծը քաղաքացիական բնակչության համար որևէ վտանգ չի ներկայացնում։
