Բրանդենբուրգի դաշնային նահանգի ներքին գործերի նախարար Միխայել Շտյուբգենը հանդես է եկել ելույթով` Եվրամիության սահմանների վրա Հունգարիայի հետ վերահսկողություն սահմանելու օգտին։
«Եվրոպական պայմանագրերը թույլ են տալիս սահմանային հսկողություն իրականացնել բացառիկ իրավիճակներում: Ինչպես մենք անում ենք Լեհաստանի և Չեխիայի հետ, նույնը պետք է անեն այնպիսի երկրներ, ինչպիսիք են Ավստրիան, Խորվաթիան, Սլովակիան և Ռումինիան: Անընդունելի է, որ ԵՄ պետությունը թույլ տա ռուսներին երկիր մուտք գործել»:
Իր հերթին ԵՄ ամենամեծ Եվրոպական ժողովրդական կուսակցության ղեկավար Մանֆրեդ Վեբերը Եվրոպական խորհրդի ղեկավար Շառլ Միշելին ուղղված նամակում կոչ է արել կոշտ միջոցներ ձեռնարկել Հունգարիայի դեմ։
«Յուրաքանչյուր ոք, ով թույլ է տալիս ռուսներին մուտք գործել ԵՄ առանց ստուգման, լրջորեն վտանգում է Եվրոպայի անվտանգությունը», - ասել է նա Bild am Sonntag թերթին:
