Միջազգային
Իսպանացի հնագետները հայտնաբերել են Եվրոպայի ամենահին արխայիկ մարդկանց ոսկորները
Իսպանացի հնագետները հայտնաբերել են Եվրոպայի ամենահին արխայիկ մարդկանց ոսկորները, ովքեր ապրել են 850 հազար տարի առաջ Սիեռա դե Ատապուերկա լեռնաշղթայում՝ Գրան Դոլինայում:
Այդ մասին ասվում է Մարդկային պալեեկոլոգիայի և սոցիալական հեղափոխության կատալոնական համալսարանի տարածած մամուլի հաղորդագրության մեջ։
«Երեսուն տարվա պեղումներից հետո Գրան Դոլինա տեղանքի պեղումների համար պատասխանատու հետազոտական թիմը կարողացավ ավելի խորը ներթափանցել TD6 բլոկի մակերեսը»,- ասվում է հրապարակման մեջ։
Հետազոտողները պարզաբանել են, որ գանգի ոսկորների, կողերի և ողերի բեկորների մեջ եղել է նաև ատամ, որն առանձնահատուկ հետաքրքրություն է ներկայացնում։ Ենթադրվում է, որ այն պատկանում է 25-ամյա մի կնոջ, որի մնացորդները նախկինում հայտնաբերվել են տարածաշրջանում:
1990-ականներին Գրան Դոլինայի քարանձավներում հայտնաբերվել են նաև վեց մարդու մնացորդներ՝ խառնված կենդանիների ոսկորների և 780 հազար տարվա վաղեմության քարե գործիքների հետ։ Նրանք դասակարգվել են որպես Homo antecessor բրածո տեսակներ կամ մարդու նախորդներ:
