Միջազգային
«Ընդդիմության հաղթանակը Վրաստանը երկրորդ ճակատ կդարձնի Ռուսաստանի դեմ». Կոբախիձե
25 Հուլիսի, 11:35
Վրաստանի վարչապետ Իրակլի Կոբախիձեն հայտարարել է, որ երկիրը կվերածվի Ռուսաստանի հետ ռազմական դիմակայության երկրորդ ճակատի, եթե հոկտեմբերին կայանալիք խորհրդարանական ընտրություններում հաղթի ընդդիմությունը: Նա դա բացատրել է նրանով, որ 2022 թվականի փետրվարի 24-ից հետո վրացական ընդդիմությունը կոչ էր անում զինվորականներ ուղարկել Ուկրաինայում ռազմական գործողությունների գոտի։
«Ընտրություններից հետո ես ձեզ երաշխավորում եմ, որ 2-3 ամսից Վրաստանը կդառնա երկրորդ ճակատ։ Ես դա երաշխավորում եմ իմ ունեցած տեղեկատվության և անցյալի փորձի հիման վրա»,- ասել է պարոն Կոբախիձեն «Ռուսթավի-2»-ին տված հարցազրույցում։
