Լեհաստանում ցույց է տեղի ունեցել հղիության արհեստական ընդհատման մասին օրենքների ազատականացման համար։ Վարշավայում մոտ հազար ցուցարար հավաքվել է Սեյմի (երկրի խորհրդարանի) դիմաց՝ պահանջելով «անվճար և օրինական աբորտներ»:
Ներկայումս Լեհաստանում հղիության արհեստական ընդհատումը թույլատրվում է միայն հատուկ հանգամանքներում՝ բռնաբարություն կամ կնոջ առողջության կամ կյանքի համար սպառնալիքի դեպքում: Առողջապահության աշխատողներին, ովքեր այլ դեպքերում աբորտ են անում, սպառնում է մինչև երեք տարվա ազատազրկում։ Վարչապետ Դոնալդ Տուսկի իշխող կոալիցիան, որը իշխանության է եկել 2023 թվականի վերջին, իր նախընտրական ծրագրում խոստացել է մեղմել այս արգելքը և պատժից հանել հղիության առաջին 12 շաբաթների ընթացքում կատարված աբորտները։ Այնուամենայնիվ, հուլիսի 12-ին Սեյմը մերժել է օրինագիծը։