Թուրքիայի նախագահ Ռեջեփ Թայիփ Էրդողանը և Ուկրաինայի նախագահ Վոլոդիմիր Զելենսկին Վաշինգտոնում քննարկել են ռուս-ուկրաինական հակամարտության ընթացքը, ինչպես նաև տարածաշրջանային և գլոբալ հարցեր։
Էրդողանն ասել է, որ Թուրքիան շարունակում է ջանքեր գործադրել, որպեսզի Ուկրաինայի և Ռուսաստանի միջև պատերազմն ավարտվի արդար խաղաղությամբ, և այդ ուղղությամբ ջանքեր են գործադրվում։ Նրա խոսքով՝ Թուրքիան պատրաստ է ցանկացած նախաձեռնության, այդ թվում միջնորդության՝ խաղաղության հիմք ստեղծելու համար։
Հանդիպմանը մասնակցել են Թուրքիայի արտաքին գործերի նախարար Հաքան Ֆիդանը, ազգային պաշտպանության նախարար Յաշար Գյուլերը, Ազգային հետախուզական կազմակերպության ղեկավար Իբրահիմ Կալինը և Արտաքին քաղաքականության և անվտանգության հարցերով նախագահի խորհրդական Ակիֆ Չաղաթայ Քըլըչը։
