Աշխարհահռչակ Airbnb բնակարանների վարձակալության ծառայությունը կրկին դատարանում է։ Ծառայությունից օգտված կանանցից մեկին գաղտնի տեսախցիկով նկարել են վարձակալած բնակարանում, ապա նրա մերկ լուսանկարները տարածել ինտերնետում։
Airbnb-ն՝ աշխարհի խոշորագույն կարճաժամկետ վարձակալության ընկերություններից մեկը, նախկինում նույնպես առնչվել է նման սցենարներին։ Սովորաբար, ընկերությունը փորձել է արագ և գաղտնի կարգավորել դատական գործերը: Վերջին տասնամյակում Airbnb-ն ստեղծել է հաճախորդների աջակցության տասնյակ հազարավոր գործեր՝ կապված գաղտնի ձայնագրման ու նկարահանման գործերի հետ:
CNN-ի հետաքննությունը պարզել է, որ Airbnb-ն մշտապես չի կարողացել պաշտպանել իր հյուրերին, չնայած իմացել է, որ թաքնված տեսախցիկները մշտական մտահոգություն են իր ոլորտում: Ավելին, Airbnb-ի կորպորատիվ ռազմավարություններն ուղղված են եղել կարճաժամկետ վարձակալության շուկայի կարգավորումը կանխելուն՝ թույլ տալու ընկերությանը հեռու մնալ հյուրերի անվտանգության և գաղտնիության համար պատասխանատվությունից:
