ՌԴ նախագահ Վլադիմիր Պուտինը հեռախոսազրույց է ունեցել Իրանի ընտրված նախագահ Մասուդ Փեզեշքիանի հետ, շնորհավորել նրան ընտրություններում տարած հաղթանակի կապակցությամբ և հաջողություն մաղթել պետական պատասխանատու պաշտոնում, հայտնում է Կրեմլի մամուլի ծառայությունը։
Ըստ հաղորդագրության՝ կողմերը գոհունակություն են հայտնել ռուս-իրանական բարիդրացիական հարաբերությունների ձեռք բերված բարձր մակարդակի կապակցությամբ և հաստատել իրենց պատրաստակամությունը տարբեր ոլորտներում փոխշահավետ համագործակցության հետագա զարգացման համար։
Առաջնորդները պայմանավորվել են այս տարի կազմակերպել անձնական շփումներ։