Netflix-ի համահիմնադիր և դեմոկրատական կուսակցության խոշորագույն ֆինանսական աջակից Ռիդ Հասթինգսը ԱՄՆ գործող նախագահ Ջո Բայդենին կոչ է արել դուրս գալ նախագահական մրցավազքից՝ անցյալ շաբաթ Դոնալդ Թրամփի դեմ բանավեճում իր աղետալի ելույթից հետո:
Հասթինգսը New York Times-ին ասել է, որ նախագահը «պետք է մի կողմ քաշվի, որպեսզի թույլ տա, որ եռանդուն դեմոկրատ առաջնորդը հաղթի Թրամփին և մեզ ապահով ու բարգավաճ պահի»: Հայտարարությունը Հասթինգսին դարձնում է դեմոկրատական առաջին խոշոր դոնորներից մեկը, որը բարձրաձայնում է թեման 81-ամյա նախագահի վրա ճնշումների ֆոնին:
