Ֆլորիդայի նահանգում մարդկանց վրա շնաձկների հարձակումների աճի պատճառը բացահայտել են ամերիկացի գիտնականները։ Փորձագետների կարծիքով՝ շոգ եղանակի պատճառով շնաձկներն ավելի ագրեսիվ են դարձել, հաղորդում է Live Science-ը։
Հունիսի 7-ին երեք մարդ վիրավորվել է Ուոլթոն շրջանի ափերի մոտ շնաձկների հարձակման հետևանքով։
Ֆլորիդայի համալսարանի շնաձկների հետազոտման ծրագրի տնօրեն Գևին Նեյլորի խոսքերով, վերջերս շոգ, չոր եղանակի պատճառով գետերից և առուներից Մեքսիկական ծոց ավելի քիչ քաղցրահամ ջուր է հոսում: Դա թույլ է տվել աղի ջրերին մոտենալ ափին՝ իրենց հետ բերելով պլանկտոն։ Պլանկտոնի հետևից էլ գալիս են ձկները՝ սնվելու համար, ձկների հետևից էլ՝ շնաձկները: