Եվրախորհրդարանի ընտրություններին մասնակցությունը, նախնական տվյալներով, կազմել է 51%։ ԵՄ երկրների մեծ մասում հաղթում է Եվրոպական ժողովրդական կուսակցությունը, որի անդամ է Եվրահանձնաժողովի ղեկավար Ուրսուլա ֆոն դեր Լեյենը։
Ֆրանսիայում նախագահ Էմանուել Մակրոնը ցրել է Ազգային ժողովը այն բանից հետո, երբ նրա կուսակցությունը պարտվել է Եվրախորհրդարանի ընտրություններում։ Գերմանիայում կանցլեր Օլաֆ Շոլցի կուսակցությունը ցուցադրեց իր պատմության մեջ վատագույն ելույթները՝ պարտվելով ծայրահեղ աջերին։ Ավստրիայում հաղթում է այն կուսակցությունը, որը քննադատում է Ռուսաստանի դեմ պատժամիջոցները։
Նախնական արդյունքներ.
Եվրոպական ժողովրդական կուսակցություն (Քրիստոնեա-դեմոկրատներ) - 186 տեղ (+10),
Սոցիալիստների և դեմոկրատների առաջադիմական դաշինք (Սոցիալ-դեմոկրատներ) - 133 (-6),
«Նորացող Եվրոպա» (լիբերալ կուսակցություններ) - 81 (-20),
Եվրոպացի պահպանողականներ և ռեֆորմիստներ (եվրասկեպտիկներ)՝ 70 (+1),
«Ինքնություն և ժողովրդավարություն» խմբակցությունից կուսակցություններ (ազգայնականներ և եվրոսկեպտիկներ)՝ 60 (+11),
Կանաչներ-եվրոպական ազատ դաշինք (Կանաչներ և ազգային փոքրամասնություններ) - 53 (-18),
Անկախ պատգամավորներ՝ 50 (-12),
Եվրոպական ձախեր՝ 36 (-1),
Մյուսները (դեռ չմիացած խմբակցություններին)՝ 50։
Եվրահանձնաժողովի նախագահ ֆոն դեր Լեյենը ծայրահեղ աջ ուժերի հաջողությունների ֆոնին նշել է, որ իր կուսակցությունը «բաստիոն կկառուցի աջ ու ձախ ծայրահեղությունների դեմ։ Ոչ մի մեծամասնություն չի կարող ձևավորվել առանց Եվրոպական ժողովրդական կուսակցության։ Մենք կկանգնեցնենք նրանց։ Դա միանշանակ է»,- ասել է նա։
