Իրանի ընտրական շտաբը հրապարակել է Սահմանադրության պաշտպանության խորհրդի կողմից հաստատված նախագահի թեկնածուների վերջնական ցուցակը, հայտնում է IRNA-ն։
Իրանի Ընտրական շտաբի խոսնակ Մոհսեն Էսլամին հայտնել է 14-րդ նախագահական ընտրություններին առաջադրված թեկնածուների անունները։
Թեկնածուներն են՝ Ալիռեզա Զաքանի, Սայիդ Ջալիլին, Ամիր Հոսեյն Ղազիզադե Հաշիմին, Մուստաֆա Փուրմոհամմադին, Մոհամմադ Բաղեր Ղալիբաֆը և Մասուդ Փեզեշքիանը։
Հունիսի 28-ին Իրանում տեղի կունենա նախագահի արտահերթ ընտրություն։
