Ռուսաստանն ու Ադրբեջանը ավելի ու ավելի մեծ ուշադրություն են դարձնում հարաբերությունների զարգացմանն ու դիվերսիֆիկացմանը, ինչն այդ աշխատանքը շարունակելու դեպքում լավ արդյունքների կբերի․ հայտարարել է ՌԴ նախագահ Վլադիմիր Պուտինը՝ համաշխարհային լրատվական գործակալությունների ղեկավարների հետ ՏԱՍՍ-ի կազմակերպած հանդիպման ժամանակ։
Պուտինը նշել է, որ երկու երկրների համատեղ աշխատանքի կարևոր ոլորտներից մեկը լոգիստիկան է․ «Այս առումով շատ բան պետք է անել լոգիստիկայի զարգացման տեսանկյունից. դա վերաբերում է ոչ միայն Հյուսիս-հարավ ճանապարհին, այլ նաև այլ վեկտորների. լոգիստիկ կենտրոնների կառուցում, այդ թվում՝ Ռուսաստանի և Ադրբեջանի սահմանին՝ Դաղստանի հատվածում, որտեղ արդեն աշխատանքներ են ընթանում։ Դա վերաբերում է նաև այլ ուղղություններին», - նշել է Պուտինը։