Սլովակիայի վարչապետ Ռոբերտ Ֆիցոն որովայնի կրկնակի համակարգչային տոմոգրաֆիա է անցել։ Նա գիտակից վիճակում է և շփվել է բժիշկների հետ։ Այդ մասին հայտնել են բուժող բժիշկները: Ֆիցոն ապաքինվում է այն բանից հետո, երբ անցած շաբաթ մահափորձի ժամանակ չորս փամփուշտով կրակել են նրա վրա։
«Միևնույն ժամանակ, հետագա գործողություններ են ձեռնարկվում նրա առողջական վիճակը բարելավելու համար» - ասվում է Սլովակիայի Բանսկա Բիստրիցա քաղաքի հիվանդանոցի հայտարարության մեջ:
