Միջազգային
Չինաստանի ներկայությունը լեհական նավահանգստում անհանգստություն է առաջացրել
Հոնկոնգում տեղակայված ընկերությունը վերահսկում է Լեհաստանի Գդինյա նավահանգստի առանցքային մասը, ինչը մտահոգություններ է առաջացնում ազգային անվտանգության վերաբերյալ։ Այն գտնվում է այն նավահանգստի մոտ, որն օգտագործվում է Ուկրաինայի համար՝ ԱՄՆ-ի և ՆԱՏՕ-ի ռազմական օգնությունը բեռնաթափելու նպատակով:
Լեհաստանի իշխանություններն ասում են, որ ուշադիր հետևում են Գդինիայի բեռնարկղային տերմինալին (BCT), որը շահագործվում է Hutchison Port Holdings-ի կողմից, որը CK Hutchison Holdings-ի դուստր ձեռնարկությունն է (կենտրոնակայանը՝ Հոնկոնգ): «Այն ամենը, ինչ կապ ունի Լեհաստանի անվտանգության հետ, մշտապես վերլուծվում է», - POLITICO-ին ասել է պաշտպանության փոխնախարար Սեզարի Տոմչիկը: «Ակնհայտ է, որ դա ներառում է Ուկրաինային զենքի մատակարարման հարցը, և մենք անում ենք հնարավոր ամեն ինչ, որպեսզի առավելագույնի հասցնենք գործընթացի անվտանգությունը», - ասել է նա։
