Իրանի հարցով ԱՄՆ հատուկ հանձնակատար Աբրամ Փեյլին այցելել է տարածաշրջան՝ Հայաստան, Վրաստան, Ադրբեջան։
«Երևանում ես բովանդակալից հանդիպումներ ունեցա Հայաստանի արտաքին գործերի փոխնախարար Մնացական Սաֆարյանի, Ազգային անվտանգության խորհրդի, Կենտրոնական բանկի և Պետեկամուտների կոմիտեի ներկայացուցիչների հետ՝ Իրանի, սահմանների անվտանգության, պատժամիջոցների կիրառման և Հայաստանի տնտեսական և արտաքին քաղաքականության դիվերսիֆիկացիայի հարցերով»,- ասվում է Աբրամ Փեյլի «X»-ի էջում արված գրառման մեջ։
Մեկ այլ գրառմամբ էլ Իրանի հարցով հատուկ հանձնակատարը տեղեկացրել է, որ ուղևորությունը դեպի Հարավային Կովկաս անցել է կառուցողական մթնոլորտում.
«Ես հանդիպեցի բարձրաստիճան պաշտոնյաների և մասնավոր հատվածի հետ՝ քննարկելու իրանական ռեժիմի հարցը, պատժամիջոցների կիրառումը և ռեժիմի ապակայունացնող վարքագծին ուղղված շարունակական ջանքերը: ԱՄՆ-ն նպատակ ունի աշխատել մեր գործընկերների հետ՝ տարածաշրջանի համար դրական տեսլական զարգացնելու համար»,- ասվում է գրառման մեջ։
Հատկանշական է, որ Փեյլին Ադրբեջանում հանդիպում է ունեցել Հիքմետ Հաջիևի, փախարտգործնախարար Շարիֆովի, Իրանում Ադրբեջանի դեսպան Ալի Ալիզադեի և Ադրբեջանում Իսրայելի դեսպանի հետ։
Նշենք, որ Աբրամ Փեյլին Վրաստանում հանդիպում է ունեցել փոխարտգործնախարարի, Կենտրոնական բանկի և մասնավոր հատվածի ներկայացուցիչների հետ։
Constructive trip to the South Caucasus, where I met with senior officials and the private sector to discuss the Iranian regime, sanctions enforcement, and ongoing efforts to address the regime’s destabilizing behavior. The U.S. aims to work with our partners to advance a… pic.twitter.com/EzQxtzpN4q
— Office of the Special Envoy for Iran (@USEnvoyIran) April 1, 2024