Միջազգային
«Ռուսաստանի դերը հայ-ադրբեջանական կարգավորման հարցում այլընտրանք չունի». Գալուզին
ՌԴ փոխարտգործնախարար Միխայիլ Գալուզինը հարցազրույց է տվել «Ռոսիա 24» հեռուստաալիքին՝ ի թիվս այլ հարցերի անդրադառնալով նաև հայ-ադրբեջանական խաղաղության բանակցություններին և կարգավորման գործընթացին:
Radar Armenia-ն ներկայացնում է հիմնական կետերը.
Ռուսաստանի այսօրվա խնդիրն է օգնել իր գործընկերներին՝ Հայաստանին և Ադրբեջանին, դուրս գալ հաշտեցման և խաղաղ փոխգործակցության կայուն հետագիծ, որպեսզի տարածաշրջանում իրավիճակը լինի կայուն։
Ընդհանուր ըմբռնում ենք ձեռք բերել, թե ինչպես վերականգնել երկաթուղային հաղորդակցությունը տարածաշրջանում, մասնավորապես Ադրբեջանից Սյունիքով Նախիջևան։
Ռուսաստանն իր խորհրդատվական ծառայություններն է առաջարկում հայ-ադրբեջանական սահմանի սահմանազատման հարցում, քանի որ տեղագրական նյութեր ունի։
ՌԴ-ն ակտիվորեն շարունակում է աջակցել Ադրբեջանի և Հայաստանի միջև խաղաղության պայմանագրի հետ կապված հարցերի ամբողջ համալիրի քննարկմանը։
Մոսկվան միշտ պատրաստ է իր հարթակը տրամադրել խաղաղության պայմանագրի շուրջ հայ-ադրբեջանական բանակցությունների համար։
Ռուսական կողմը հույս ունի, որ Երևանում կգերիշխի այն ըմբռնումը, որ հենց եռակողմ պայմանավորվածությունների իրականացումն է հայ-ադրբեջանական կարգավորման ամենահուսալի ճանապարհը, ոչ թե արտատարածաշրջանային խաղացողների ներգրավմանն ուղղված ջանքերը, որոնց գործունեությունն ուղղված է ՌԴ-ին այդ գործընթացից դուրս մղելուն:
