ԵԱՀԿ-ում ԱՄՆ մշտական ներկայացուցիչ, դեսպան Մայքլ Քարփենթերը, պատասխանելով «Հրապարակ» օրաթերթի հարցին, անդրադարձել է հայ-ադրբեջանական հարաբերություններին. «Մենք կշարունակենք աջակցել և հանդիպման վայրեր առաջարկել Հայաստանի և Ադրբեջանի հանդիպումների համար։ Ի վերջո, կողմերը պետք է օգտվեն այդ վայրերից ու միջնորդների կողմից նրանց աջակցելու ջանքերից՝ հասնելու կարգավորման համաձայնագրին, բայց մենք կշարունակենք դա անել:
Իսկ ինչ վերաբերում է փախստականների անվտանգ և արժանապատիվ վերադարձի և կայուն վերաինտեգրման միջազգային սկզբունքին, իհարկե, մենք դրան էլ կաջակցենք»։
