ԱՄՆ-ի նախագահի պաշտոնում Ջո Բայդենի աշխատանքի վարկանիշը ՀԱՄԱՍ ահաբեկչական կազմակերպության դեմ Իսրայելի պատերազմի ֆոնին ընկել է և հասել 40%-ի։ Սա Բայդենի նախագահության ողջ պաշտոնավարման ընթացքում նվազագույն ցուցանիշն է: Այսպիսին են NBC News-ի ազգային հարցման տվյալները, որոնք հրապարակվել են կիրակի՝ նոյեմբերի 19-ին։
Համաձայն տվյալների՝ Բայդենի նախագահական գործունեությանը հավանություն չտվողների մասնաբաժինը հասել է 57%-ի։ Համեմատության համար նշենք, որ այս տարվա հունվարին դրական գնահատողների մասնաբաժինը համանման հարցման արդյունքում կազմել է 46%, իսկ դեմ՝ 50%:
