Ողջունում ենք ՀՀ-ի կողմից Հռոմի ստատուտի վավերացման փաստաթուղթն ի պահ հանձնելը․ Ֆրանսիայի ԱԳՆ
Միջազգային
16 Նոյեմբերի, 23:21
Ֆրանսիան ողջունում է Հայաստանի կողմից Միջազգային քրեական դատարանի (ՄՔԴ) Հռոմի ստատուտի վավերացման փաստաթուղթն ի պահ հանձնելը։ Այս մասին ասված է Ֆրանսիայի ԱԳՆ տարածած հայտարարության մեջ:
«Ֆրանսիան ողջունում է Հայաստանի կողմից Միջազգային քրեական դատարանի՝ Հռոմի ստատուտի վավերացման փաստաթուղթն ի պահ հանձնելը. միակ մշտական և համընդհանուր միջազգային քրեական իրավասությունը, որը նվիրված է ցեղասպանության, ագրեսիայի և ռազմական հանցագործությունների մեջ մեղադրվող մարդկանց դատելուն։
Հայաստանը դառնում է ՄՔԴ կանոնադրության 124-րդ մասնակից պետությունը։ Ֆրանսիան ուրախ է ողջունել նրան 2024 թվականի փետրվարի 1-ից մասնակից պետությունների շարքում և ողջունում է անպատժելիության դեմ պայքարն ուժեղացնելու այս կարևոր քայլը»,- ասված է հայտարարությունում։
Հետևեք մեզ Telegram-ում
