Եվրամիությունը շենգենյան վիզաների օնլայն ձևակերպման համակարգ է մտցնում
Միջազգային
14 Նոյեմբերի, 15:11
Եվրամիությունը ներկայացնում է շենգենյան վիզաների առցանց մշակման նոր համակարգ։ ԵՄ ԱԳ նախարարների խորհրդի կողմից ընդունված որոշման համաձայն՝ վիզայի դիմումը կարող է ներկայացվել նոր առցանց հարթակի միջոցով՝ ներբեռնելով անձնական տվյալներ և անհրաժեշտ փաստաթղթեր․ հայտնում է Եվրախորհրդի մամուլի ծառայությունը։
Այնուամենայնիվ, նրանք, ովքեր առաջին անգամ են դիմում շենգենյան վիզայի համար կամ ունեն նոր անձնագիր, դեռ պետք է անձամբ ներկայանան հյուպատոսարան և անհրաժեշտության դեպքում թարմացնեն իրենց կենսաչափական տվյալները։ Վիզայի կպչուն թուղթը կփոխարինվի շտրիխ կոդով։
Եվրոպական խորհրդի որոշման տեքստը ԵՄ պաշտոնական ամսագրում հրապարակվելուց 20 օր անց ուժի մեջ կմտնեն նոր կանոնները։ Բայց դրանք իրապես կսկսեն գործել վիզաների հարթակի ստեղծման և թվային վիզայի մշակման ավարտից հետո միայն։
Հետևեք մեզ Telegram-ում