Ակտիվիստները սև ներկ են լցրել Հռոմի կենտրոնում գտնվող Տրեվի շատրվանի վրա
Միջազգային
21 Մայիսի, 23:57
«Վերջին սերունդ» բնապահպանական շարժման ակտիվիստները սև ներկ են լցրել Հռոմի կենտրոնում գտնվող Տրեվի շատրվանի վրա, հաղորդում է ANSA-ն: Ցուցարարները պարզել են նաև «Չենք վճարելու հանածոների համար» պաստառ։ Ակցիային մասնակցել է մոտ 12 ցուցարար։
Հաղորդվում է, որ ներկը պատրաստված է եղել փայտածուխից։ Ակտիվիստները կոչ են արել հրաժարվել հանածո վառելիքի օգտագործումից, ինչը հանգեցնում է մոլորակի ջերմաստիճանի բարձրացմանը։
Իտալիայի մշակույթի նախարար Ջենարո Սանջուլիանոն պատմական հուշարձանների վրա էկոակտիվիստների հարձակումներն անվանել է ծես, որն ուղեկցվում է տնտեսական ծախսերով և անհանգստացնում է քաղաքացիներին։
