Կհանդիպեն ՀՀ, ՌԴ և Ադրբեջանի փոխվարչապետերը
Միջազգային
19 Մայիսի, 16:56
Մոսկվայում ՀՀ, ՌԴ և Ադրբեջանի ԱԳ նախարարների եռակողմ հանդիպմանը հետևած ճեպազրույցում ՌԴ ԱԳ նախարար Սերգեյ Լավրովն անդրադարձել է հանդիպման արդյունքներին։ Ի թիվս այլ հարցերի՝ Լավրովը հայտարարել է. «Հաջորդ շաբաթ տեղի կունենա փոխվարչապետների (ՀՀ, ՌԴ և ԱՀ) գլխավորած եռակողմ խմբի նիստ՝ տրանսպորտային հաղորդակցությունների ապաշրջափակման հարցերով։
Հույս ունենք, որ արդյունքը դրական կլինի։ Կողմերն արդեն մոտ են վերջնական համաձայնության։ Խաղաղության պայմանագրով և մի շարք հոդվածներով, որոնք այսօր քննարկում ունեցանք, հնարավոր եղավ երկու կողմերի փոխըմբռնումը մոտեցնել ընդհանուր տեսլականին»։
