«ԵՄ-ն շարունակում է ներգրավված լինել Հարավային Կովկասում կայուն խաղաղության և անվտանգության ապահովման գործում». Բորել
Միջազգային
16 Մայիսի, 10:40
Եվրոպական միության արտաքին քաղաքականության և անվտանգության հարցերով Բարձր ներկայացուցիչ Ժոզեպ Բորելն իր թվիթերյան միկրոբլոգում անդրադարձել է Ադրբեջանի ԱԳ նախարար Ջեյհուն Բայրամովի հետ հանդիպմանը։ Բորելը, մասնավորապես, գրել է. «Արտաքին գործերի նախարար Ջեյհուն Բայրամովի հետ տեղի ունեցավ մտքերի արդյունավետ փոխանակում։ Ես ողջունել եմ Եվրամիության խորհրդի նախագահի կողմից կազմակերպված եռակողմ հանդիպումների վերսկսումը։
Մենք քննարկել ենք դրանց արդյունքներն ու հետագա անելիքները, ինչպես նաև մտքեր փոխանակել ԵՄ-ի և Ադրբեջանի միջև հարաբերությունների վերաբերյալ։ ԵՄ-ն շարունակում է ներգրավված լինել Հարավային Կովկասում կայուն խաղաղության և անվտանգության ապահովման գործում»։
