Միջազգային

Ի՞նչ է հայտնի Թրամփի գործով, ու քանի տարվա ազատազրկում է նրան սպառնում տեսականորեն. Ամփոփ

ԱՄՆ նախկին նախագահ Դոնալդ Թրամփը մեղադրվում է փաստաթղթեր կեղծելու և հարկերից խուսափելու մեջ։

Ի՞նչ է արվել և ի՞նչ է հայտնի

Դատախազը ասել է, որ Թրամփը և իր մեղսակիցները 2015 թվականին մշակել են մի սխեմա՝ թաքցնելու ապացույցները, որոնք կարող են հայտնվել ընտրություններից առաջ:
Ենթադրվում է, որ սխեմայի շրջանակներում 3 հոգի կաշառել են 2 կանանց լռության համար, որոնք սեռական հարաբերություններ են ունեցել Թրամփի հետ, և նախկին դռնապանի, ով գիտեր Թրամփի ապօրինի որդու մասին։
Թրամփին պաշտոնապես ձերբակալել են
Մեղադրանքի ներկայացման ընթացքում (2 ժամ), նա դարձել է ԱՄՆ 1-ին նախկին նախագահը, ով ունի ձերբակալվածի կարգավիճակ։
Հակառակ ընթացակարգի՝ նրան ձեռնաշղթա չեն հագցրել կամ նկարել, միայն մատնահետքեր են վերցվել։
Կալանքն ի վերջո հանվել է, Թրամփը հեռացել է դատարանից։
Թրամփը հայտարարել է, որ իր գործողություններում հանցակազմ չկա, և որ դատախազն ինքն է հանցագործ։ Ըստ նրա՝ «երկիրը գնում է գրողի ծոցը»։
Թրամփը երբեք այդքան վստահ չի եղել, որ հանրապետականները կրկին կհաղթեն նախագահական ընտրություններում, իսկ մեղադրանքի գործը նրան մեծ օգուտ է բերել։
Թրամփի նախկին խորհրդականը Ջոն Բոլթոնն էլ հիշել է ՍՍՀՄ դահիճ-ղեկավարներից մեկին՝ Լավրենտի Բերիայի «մարդ լինի, գործ կգտնվի» արտահայտությունը։
Սպիտակ տնից հայտնել են, որ Թրամփի շուրջ ստեղծված իրավիճակն այսօր Բայդենի ուշադրության կենտրոնում չէ։
Իսկ Ֆոքս նյուզը հաշվարկել է, որ Թրամփին տեսականորեն սպառնում է 136 տարվա ազատազրկում։