Վրաստանում չորս պատգամավոր զրկվել է մանդատից
Միջազգային
24 Մարտի, 18:53
Վրաստանի խորհրդարանը ուրբաթ օրը կայացած նիստում պատգամավորական մանդատից զրկել է իշխող «Վրացական երազանք-Ժողովրդավարական Վրաստան» կուսակցության ներկայացուցիչներ Իրակլի Կովզանաձեին, Գիորգի Խելաշվիլիին, Վլադիմիր Չաչիբաիային և Նինո Իոբաշվիլիին։ Քվեարկությունն ուղիղ հեռարձակվել է օրենսդիր մարմնի կայքում։
Կովզանաձեն, Խելաշվիլին, Չաչիբայան և Իոբաշվիլին իշխող կուսակցության պատգամավորներ են, որոնք մարտի 7-ին առաջին ընթերցմամբ կողմ չեն քվեարկել օտարերկրյա գործակալների մասին օրինագծին։ Նրանցից բացի, նախաձեռնությունը չի պաշտպանել առողջապահության նախկին նախարար, խորհրդարանի փոխխոսնակ Դավիթ Սերգեենկոն։ Վրացական լրատվամիջոցները հայտնում են, որ նա ծրագրում է լքել խորհրդարանը։
Հետևեք մեզ Telegram-ում
