Պուտինը մեծ մարտիկ է, Բայդենը՝ նախագահ, Հռոմի պապը՝ հրաշագործ․ Մադուրոն բնութագրել է պաշտոնյաներին
Միջազգային
11 Մարտի, 23:22
Վենեսուելայի նախագահ Նիկոլաս Մադուրոն արգենտինացի լրագրող Ալֆրեդո Սերանոյին տված հարցազրույցում կարճ բնութագրել է քաղաքական մի շարք խոշոր գործիչների՝ Ռուսաստանի առաջնորդ Վլադիմիր Պուտինին անվանելով «մեծ մարտիկ», Հռոմի Պապին՝ հրաշագործ, իսկ Ջո Բայդենին՝ նախագահ։
«Հռոմի պապը հրաշագործ է, Լուիս Ալմագրոն՝ դավաճան (Ամերիկյան պետությունների կազմակերպության քարտուղար), Խոսե Լուիս Ռոդրիգես Սապատերոն՝ բանակցող (Իսպանիայի նախկին վարչապետ), Ջո Բայդենը՝ նախագահ, Դոնալդ Թրամփը՝ անցյալ, Վլադիմիր Պուտինը մեծ մարտիկ է, Մաուրիսիո Մակրին՝ աղբանոց (Արգենտինայի նախկին նախագահ), Ֆիդել Կաստրոն պատմական հսկա է»,- ասել է Մադուրոն La Pizarra հաղորդաշարի եթերում։
