Թրամփը ցուցմունք կտա նախկին մերկապարուհու կաշառքի գործով
Միջազգային
10 Մարտի, 19:03
Նյու Յորքի շրջանային դատախազությունն ԱՄՆ նախկին նախագահ Դոնալդ Թրամփին կանչել է ցուցմունք տալու նախկին պոռնոդերասանուհի և մերկապարուհի Ստեֆանի Քլիֆորդի (Սթորմի Դենիելս կեղծանունով) վճարումների գործով, ինչը կարող է նշանակել քաղաքական գործչին մոտ ապագայում մեղադրանքների առաջադրում: Այս մասին հայտնել է «The New York Times» թերթը՝ վկայակոչելով իր աղբյուրները։
Ըստ թերթի՝ Թրամփին կարող են քրեական մեղադրանքներ առաջադրվել այն բանի համար, որ նա Սթորմի Դենիելսին վճարել է իր հետ կապերի մասին լռելու համար: Դատախազությունը Սպիտակ տան նախկին ղեկավարին առաջարկել է ցուցմունք տալ հաջորդ շաբաթ։ Եթե դրանք ներկայացվեն, դա կդառնա ԱՄՆ նախկին նախագահի դեմ առաջին մեղադրական ակտը և կանդրադառնա 2024 թվականին նախագահի պաշտոնը կրկին ստանձնելու Թրամփի շանսերի վրա:
Հետևեք մեզ Telegram-ում
