«Բախմուտի ճակատամարտը շարունակում է սպառել երկու կողմերի ուժերը, - իր ամենօրյա զեկույցում արձանագրել է բրիտանական ռազմական հետախուզությունը, - հանգստյան օրերին քաղաքի հյուսիսում ուկրաինացի զինվորականները, հավանաբար, կարողացել են կայունացնել պաշտպանության գիծը ռուսական ուժերի առաջխաղացումներից հետո»։
Զեկույցի հեղինակները կարծում են, որ միակ խոշոր ճանապարհի կամուրջը, որը մատակարարում է ապահովում ուկրաինացի զինվորականներին, պայթեցվել է ռուսների կողմից, իսկ պատերազմի ուսումնասիրության ամերիկյան ինստիտուտը եկել է այն եզրակացության, որ կամուրջը պայթեցրել են ուկրաինացիները, որպեսզի կանխեն ռուսական ուժերի հետագա առաջխաղացումը:
Ինչ վերաբերում է ռուսական կողմի դժվարություններին, ամփոփագրի հեղինակները հիշեցնում են «Վագներ»-ի և Ռուսաստանի ՊՆ միջև առկա տարաձայնությունները զինամթերքի բաշխման վերաբերյալ, որոնք իրենց ներկայիս մարտավարության ներքո անհրաժեշտ են ռուսական ուժերի առաջխաղացման համար:
