«Խաղաղության բանակցություններում ԱՄՆ-ն շարունակում է աջակցել Ադրբեջանին և Հայաստանին». Լուիս Բոնո
Միջազգային
6 Մարտի, 14:13
«Խաղաղության պայմանագրի ստորագրման հարցում ԱՄՆ-ն պատրաստ է շարունակել աջակցությունը Ադրբեջանին և Հայաստանին», - Բաքվում լրագրողներին հայտարարել է ԱՄՆ պետքարտուղարի՝ Կովկասի բանակցությունների գծով ավագ խորհրդական Լուիս Բոնոն: Բոնոն հանդիպել է նաև Ադրբեջանի նախագահ Իլհամ Ալիևին։
«Խաղաղության պայմանագիրը պետք է լինի կայուն և պետք է բխի հենց կողմերից, այլ ոչ թե ԱՄՆ-ից կամ այլ երկրներից», - նշել է նա։
Նրա խոսքով՝ Վաշինգտոնի համար կարևոր է, որ Ադրբեջանն ու Հայաստանը շփվեն՝ անկախ միջնորդության ձևաչափից։
«Մեր վերջնական նպատակը Ադրբեջանի և Հայաստանի միջև խաղաղության հասնելն է։ Խաղաղությունը ձեռնտու է երկու կողմերին էլ։ Մյունխենում կայացած հանդիպմանը երկու կողմերն էլ հայտարարել են, որ խաղաղություն են ուզում», - նշել է Բոնոն։ Բոնոն նաև հայտարարել է, որ «ԱՄՆ-ն հասկանում է Ադրբեջանի և մնացած բոլոր կողմերի շահերը Լաչինի միջանցքի անվտանգության հարցերով»։
Հետևեք մեզ Telegram-ում
