Մարդատար ինքնաթիռը սրահում բռնկված հրդեհի պատճառով արտակարգ վայրէջք է կատարել Ֆլորիդայում
Միջազգային
2 Մարտի, 22:46
Spirit Airlines ավիաընկերության մարդատար ինքնաթիռn արտակարգ վայրէջք է կատարել Ֆլորիդայում՝ ինքնաթիռում բռնկված հրդեհի պատճառով, հայտնում է Associated Press-ը։
Գործակալության տվյալներով՝ Դալլասից Օռլանդո չվերթի ժամանակ սրահում մարտկոց է բռնկվել, որը եղել է ձեռքի ուղեբեռում։ Հրդեհը մարելը տևել է մոտ 20 րոպե, այն վերացնելուն օգնել է ինքնաթիռի վրա գտնվող նախկին հրշեջը։
Աղբյուրը հայտնում է, որ վայրէջքից հետո 10 մարդ հոսպիտալացվել է։
