Միջազգային

Չինաստանը հրապարակել է Ուկրաինայում խաղաղության մասին 12 կետից բաղկացած իր ծրագիրը

Ուկրաինա ռուսական ներխուժման տարելիցի օրը Չինաստանը ներկայացրել է իր, այսպես կոչված, «խաղաղության ծրագիրը»՝ հրապարակելով «Չինաստանի դիրքորոշումը Ուկրաինայում ճգնաժամի քաղաքական կարգավորման վերաբերյալ»։

Պեկինը ստեղծված իրավիճակն անվանում է «ուկրաինական ճգնաժամ»։ Չինաստանի ԱԳՆ կայքում հրապարակված փաստաթուղթը բաղկացած է 12 կետից.

երկրների ինքնիշխանության հարգում
«սառը պատերազմի» մտածելակերպից հրաժարում
մարտական գործողությունների դադարեցում
խաղաղության բանակցությունների վերսկսում
մարդասիրական ճգնաժամի լուծում
քաղաքացիական անձանց և ռազմագերիների պաշտպանություն
ատոմային էլեկտրակայանների անվտանգության ապահովում
ռազմավարական ռիսկերի նվազեցում
աջակցություն հացահատիկի արտահանմանը
միակողմանի պատժամիջոցների դադարեցում
արտադրության և մատակարարման շղթաների կայունության պահպանում
ետկոնֆլիկտային վերականգնման խթանում

Փաստաթղթում նշվում է, որ «բոլոր կողմերը պետք է աջակցեն Ռուսաստանին և Ուկրաինային՝ նույն ուղղությամբ աշխատելու և ուղիղ երկխոսության շուտափույթ վերսկսման գործում, որպեսզի աստիճանաբար դեէսկալացիայի ենթարկվեն իրավիճակը և վերջնական արդյունքում հասնեն համապարփակ հրադադարի»։