Վրաստանի ԱԳՆ-ն Բելառուսին կոչ է արել հարգել երկրի տարածքային ամբողջականությունը
Միջազգային
22 Փետրվարի, 14:30
«Վրաստանի արտաքին գործերի նախարարությունը դատապարտում է Բելառուսի նախագահի հանդիպումը օկուպացիոն ռեժիմի ներկայացուցիչների հետ», - ասված է հայտարարության մեջ, որը տարածվել է Աբխազիայի առաջնորդ Ասլան Բժանիայի՝ Բելառուս ժամանելու կապակցությամբ:
Վրաստանի ԱԳՆ գնահատականով՝ այդ գործողությունը Ռուսաստանի օկուպացիոն ռեժիմն օրինականացնելու փորձ է։
«Հիշյալ գործողությունը կոպտորեն խախտում է Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում և փորձ է օրինականացնել ռուսական օկուպացիոն ռեժիմը։
Կոչ ենք անում Բելառուսին՝ հարգել Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում, դադարեցնել միջազգային իրավունքի հիմնարար սկզբունքներին ու նորմերին հակասող գործողությունների ձեռնարկումը», - ասված է հայտարարության մեջ:
Հիշեցնենք, որ Բելառուսի նախագահ Ալեքսանդր Լուկաշենկոն Աբխազիայի ղեկավար Ասլան Բժանիայի հետ հանդիպման ժամանակ հայտարարել էր. «Միգուցե այս հարաբերություններն էլ ծառայեն աբխազ և վրաց ժողովուրդների միջև խաղաղությանն ու բարեկամությանը»։
Հետևեք մեզ Telegram-ում
