Նիդեռլանդները արտաքսում է ռուս դիվանագետներին՝ մեղադրելով լրտեսության մեջ
Միջազգային
20 Փետրվարի, 10:24
Նիդեռլանդների կառավարությունը հայտարարել է Սանկտ Պետերբուրգում իր հյուպատոսությունը փակելու մասին։ Միաժամանակ, Նիդերլանդները կսահմանափակի Հաագայում Ռուսաստանի դեսպանատանը աշխատող ռուս դիվանագետների թիվը: Կփակվի նաև Ամստերդամում Ռուսաստանի առևտրային ներկայացուցչությունը․ հայտնում է BBC-ն։
Նիդեռլանդների ԱԳՆ ղեկավարը մեկնաբանել է, որ դա արվում է Ռուսաստանի մշտական փորձերի պատճառով՝ դիվանագիտական միջավայր մտցնել լրտեսներին․ «Ռուսաստանը շարունակում է դիվանագիտության քողի տակ գաղտնի հետախուզական գործակալներին Նիդեռլանդներ բերել: Մենք դա չենք կարող և թույլ չենք տա»,- հայտարարել է Նիդեռլանդների արտգործնախարար Վոպկե Հոկստրան՝ հավելելով․ «Միևնույն ժամանակ, Ռուսաստանը հրաժարվում է վիզա տրամադրել հոլանդացի դիվանագետներին, ովքեր կաշխատեն Սանկտ Պետերբուրգի հյուպատոսությունում կամ Մոսկվայում՝ դեսպանատանը»։
Հետևեք մեզ Telegram-ում
