ԱՄՆ նախագահ Ջո Բայդենը Թվիթերի իր միկրոբլոգում անդրադարձել է Ուկրաինա այցին՝ շեշտելով, որ Կիևում է պատերազմի տարելիցի նախաշեմին։ Բայդենը երեք գրառում է կատարել, որոնցում, մասնավորապես, նշված է.
«Քանի որ մենք մոտենում ենք Ուկրաինա Ռուսաստանի դաժան ներխուժման տարելիցին, ես այսօր Կիևում եմ՝ հանդիպելու նախագահ Զելենսկու հետ և վերահաստատելու մեր անսասան նվիրվածությունը Ուկրաինայի ժողովրդավարությանը, ինքնիշխանությանը և տարածքային ամբողջականությանը»։
«Երբ Պուտինը սկսեց իր ներխուժումը գրեթե մեկ տարի առաջ, նա կարծում էր, թե Ուկրաինան թույլ է, իսկ Արևմուտքը՝ բաժանված։ Նա կարծում էր, որ կարող է գերազանցել մեզ: Բայց նա խորապես սխալվեց»:
«Վերջին մեկ տարվա ընթացքում Միացյալ Նահանգները Ատլանտյան օվկիանոսից մինչև Խաղաղ օվկիանոս ստեղծել է երկրների կոալիցիա՝ օգնելու պաշտպանել Ուկրաինան աննախադեպ ռազմական, տնտեսական և մարդասիրական աջակցությամբ, և այդ աջակցությունը կշարունակվի»:
Հիշեցնենք՝ այսօր մեկնարկել է ԱՄՆ նախագահի այցը Ուկրաինա։
As we approach the anniversary of Russia’s brutal invasion of Ukraine, I'm in Kyiv today to meet with President Zelenskyy and reaffirm our unwavering commitment to Ukraine’s democracy, sovereignty, and territorial integrity.
— President Biden (@POTUS) February 20, 2023
