«Ռուսաստանը ռևանշի հնարավորություն չի ունենա». Զելենսկի
Միջազգային
20 Փետրվարի, 16:05
Ուկրաինայի նախագահի խոսքով՝ պաշտպանական աջակցության նոր փաթեթը միանշանակ ազդանշան է այն բանի, որ ռուսական ռևանշի փորձերը շանս չեն ունենա:
«Այսօր մենք քննարկել ենք մինչ այս գոյություն չունեցող հեռահար զենքի հարցը, որը կարող է մատակարարվել Ուկրաինային։ Դա շատ կարևոր է», - ասել է Զելենսկին։
Նա հայտարարել է Ուկրաինայի համար պաշտպանական աջակցության հզոր փաթեթի ակնկալիքի մասին։
«Հենց հիմա այդ ծանրակշիռ փաթեթը միանշանակ ազդանշան է, որ ռևանշի ռուսական փորձերը շանս չեն ունենա, և մենք միասին Ռուսաստանի ահաբեկչությունից կպաշտպանենք մեր քաղաքները, մեր ժողովրդին և զորավոր կերպով կամրապնդենք մեր հաղթանակի ազդակը։ Այսօր մենք ևս մեկ անգամ զգացինք, որ ընդհանուր տեսլական ունենք այս պատերազմում իրադարձությունների հետագա զարգացման և հեռանկարների վերաբերյալ»,-ընդգծել է Ուկրաինայի նախագահը։
Մասնավորապես, համակարգվել է Ռուսաստանի վրա հետագա ճնշումը։
«Միասին աշխատում ենք պատժամիջոցների խստացման ուղղությամբ ինչպես երկկողմ մակարդակով, այնպես էլ «Յոթի խմբի» շրջանակներում։ Դա նույնպես շատ կարևոր է»,-ընդգծել է Զելենսկին։
Հետևեք մեզ Telegram-ում
