Միջազգային
ԱՄՆ-ն հայտարարել է Ուկրաինային 2,2 միլիարդ դոլարի օգնության նոր փաթեթի մասին
ԱՄՆ-ն Ուկրաինային կփոխանցի շուրջ 2,2 միլիարդ դոլար արժողությամբ ռազմական օգնության նոր փաթեթ, որը կներառի HIMARS MLRS-ի համար նախատեսված հեռահար հրթիռներ, ասել է Պենտագոնի խոսնակ Պատրիկ Ռայդերը։
«Պաշտպանության նախարարությունը հայտարարում է Ուկրաինային օգնության նոր փաթեթ տրամադրելու մասին, որը բաղկացած է 425 միլիոն դոլարի պաշտպանական օգնությունից։ Այն հաստատվել է նախագահի կողմից, ինչպես նաև 1,75 միլիարդ դոլար՝ Ուկրաինայի պաշտպանության աջակցության հիմնադրամի միջոցով», - ասել է Ռայդերը մամուլի ասուլիսում։
Նրա խոսքով՝ 2014 թվականից ի վեր ԱՄՆ-ի օգնությունն Ուկրաինային արդեն հասել է 32 միլիարդ դոլարի, իսկ ռուսական հատուկ ռազմական գործողության մեկնարկից ի վեր՝ 29,3 միլիարդ դոլարի։ Ռայդերն ընդգծել է, որ օգնության նոր փաթեթը կներառի «օդային պաշտպանության հնարավորություններ», ինչպես նաև զրահատեխնիկա և «HIMARS-ի համար հեռահար հրթիռներ»:
Ռուսաստանի Դաշնությունն ավելի վաղ նոտա էր հղել բոլոր երկրներին, այդ թվում՝ ԱՄՆ-ին՝ Ուկրաինային զենք մատակարարելու պատճառով։ Ռուսաստանի արտգործնախարար Սերգեյ Լավրովը նշել էր, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։ ՌԴ ԱԳՆ-ն հայտարարել էր, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային։
