Թուրքիան Սիրիայում և Իրաքում կշարունակի հարվածներ հասցնել ահաբեկիչներին
Միջազգային
21 Նոյեմբերի 2022, 16:12
«Թուրքիան չի ծանուցում ԱՄՆ-ին կամ Ռուսաստանին Սիրիայում և Իրաքում ահաբեկիչների թիրախներին հարվածելու ծրագրերի մասին»,- հայտարարել է նախագահ Ռեջեփ Թայիփ Էրդողանը՝ լրագրողներին տված հարցազրույցում, որոնք նրան ուղեկցել են Կատարում ֆուտբոլի աշխարհի առաջնության բացմանը։
«Մենք պարոն Բայդենի կամ պարոն Պուտինի հետ չենք քննարկել գործողությունների թեման: Միևնույն ժամանակ, և՛ Բայդենը, և՛ Պուտինը քաջատեղյակ են Անկարայի դիրքորոշմանը և այս տարածաշրջանում ցանկացած պահի մեր հարվածների հավանականությանը»,- նշել է Էրդողանը։
Հարցին՝ արդյո՞ք նախատեսվում է Թուրքիայի զինված ուժերի նոր գործողություն Սիրիայի հյուսիսում և Իրաքում, Էրդողանը հայտնել է, որ թուրքական բանակի գործողությունները տարածաշրջանի ահաբեկիչների դեմ կշարունակվեն։
Հետևեք մեզ Telegram-ում
