Հռոմի դատարանն արդարացրել է Բեռլուսկոնիին
Միջազգային
17 Նոյեմբերի, 22:59
Հռոմի դատարանն արդարացրել է Իտալիայի նախկին վարչապետ Սիլվիո Բեռլուսկոնիին, որը կասկածվում էր անչափահաս մարմնավաճառների ծառայություններից օգտվելու գործով վկաներին կաշառք տալու համար։
Ինչպես հինգշաբթի հաղորդել է ANSA-ն, այս որոշումը կայացվել է հանցագործության վերաբերյալ «փաստերի բացակայության» պատճառով։
Բեռլուսկոնիի հետ միասին արդարացվել է նաև նեապոլցի երգիչ Մարիանո Ապիչելլան, որին կասկածում էին սուտ վկայության համար 157,000 եվրո ստանալու մեջ:
