Շաբաթ, 26 Նոյեմբերի 2022

USD394.38

EUR403.03

RUB6.14

Երևան 10 ℃

Рус Eng

ԱՄՆ-ն բացո՞ւմ է Կիևի և Մոսկվայի միջև բանակցությունների պատուհանը

Միջազգային

14 Նոյեմբերի, 9:37

Ամերիկյան Wall Street Journal-ը հերթական հոդվածն է հրապարակել՝ վերլուծելով Ուկրաինայի շուրջ տեղի ունեցող իրադարձությունները և հայտնելով իր աղբյուրներից ստացված տեղեկությունները ընթացող գաղտնի բանակցությունների մասին։

ԱՄՆ նախագահի ազգային անվտանգության գծով գլխավոր խորհրդական Ջեյք Սալիվանը, որը հիմնական վիզավին է ՌԴ նախագահի արտաքին քաղաքականության գծով խորհրդական Յուրի Ուշակովի ու ՌԴ ԱԽ քարտուղար Նիկոլայ Պատրուշևի հետ բանակցություններում, ըստ պարբերականի, փորձում է Ուկրաինային հակել բանակցությունների։ Բանակցությունների պատուհանը բացվել է Խերսոնից ռուսական զորքերի դուրս բերմամբ և տարածքի՝ Ուկրաինային վերադարձով։ 

Վաշինգտոնում բարձրաստիճան պաշտոնյաները թեպետ սատարում են Ուկրաինային, սակայն հասկանում են նաև, որ բացարձակ հաղթանակ որևէ կողմում լինել չի կարող։ 

Սալիվանը այցելել էր Կիև նոյեմբերի 4-ին և հորդորել ուկրաինական իշխանություններին ավելի բաց գտնվել խաղաղ բանակցությունների հարցում։ Ըստ WSJ-ի աղբյուրների՝ Սալիվանը հորդորել է Ուկրաինայի նախագահ Զելենսկիին ու նրա թիմին իրատես գտնվել բանակցությունների հարցում և դնել իրականանալի պահանջներ, այդ թվում՝ վերանայել Ղրիմը ետ նվաճելու գաղափարը։ Ըստ պարբերականի այդ երկու ուղերձը Սալիվանը հստակորեն հայտնել է թե՛ Զելենսկիին, թե՛ Ուկրաինայի ՊՆ նախարարին։ 

Թեպետ հրապարակային հայտարարություններում ԱՄՆ պաշտոնյաները հրաժարվում են ընդունել, թե ճնշումներ են գործադրում Ուկրաինայի վրա բանակցությունների գնալու հարցում, սակայն, դատելով մասնավոր աղբյուրներից եկող տեղեկություններից, այդպիսի ճնշումներ առնվազն կան։ 

Արման Գալոյան

Ականատես կլինե՞նք նոր տեսարանների. ընդդիմությունը գլխահակ վերադառնում է խորհրդարան

Գոռ Մադոյան

Պայթյունավտանգ տարածաշրջան. Ալիևը նոր հոխորտանքներ է տեղում և փախչում պայմանավորվածություններից