Կիրակի օրը՝ նոյեմբերի 13-ին, խոշոր հրդեհ է բռնկվել Իրանի Սպահան նահանգի Մոբարաք արդյունաբերական քաղաքի նավթային գործարանի տարածքում, որը գտնվում է երկրի կենտրոնական մասում։ Այս մասին հայտնում է ISNA գործակալությունը՝ վկայակոչելով տեղի անվտանգության ծառայությունները։
Մարման աշխատանքներին մասնակցում է հրշեջ-փրկարարների 20 մարտական հաշվարկ, ձեռնարկության աշխատակիցները շտապ տարհանվել են։ Հնարավոր զոհերի մասին տեղեկություններ դեռ չկան։
Ըստ աղբյուրի տեղեկությունների՝ Մոբարաքում, որտեղ բռնկվել է հրդեհը, ընդհանուր առմամբ կա մոտ 400 արտադրական օբյեկտ։
