Միջազգային
«Մոսկվան հույս ունի, որ Վրաստանն ի վերջո կմիանա «3+3» ձևաչափին». Ռուդենկո
25 Ապրիլի 2022, 17:34
«Մոսկվայում հույս ունեն, որ Վրաստանն ի վերջո կմիանա 3+3 ձևաչափին», -այսօր լրագրողների հետ զրույցում հայտարարել է Ռուսաստանի փոխարտգործնախարար Անդրեյ Ռուդենկոն։ «Վրաստանը մինչև վերջին պահը հրաժարվում էր աշխատել այդ ֆորմատի շրջանակներում։ Մենք, սակայն, հույս ունենք, որ որոշակի փուլում Թբիլիսին կվերանայի իր մոտեցումները», - հայտարարել է Ռուսաստանի փոխարտգործնախարարը։
Տարածաշրջանային համագործակության նպատակով ստեղծված 3+3 ձևաչափում, դրա նախաձեռնողների մտահաղացմամբ պետք է ընդգրկված լինեն Հարավային Կովկասի երեք պետությունները, ինչպես նաև դրանց անմիջական հարևանները՝ Ռուսաստանը, Թուրքիան և Իրանը։
