Միջազգային
Խրյուշչովի ծոռը հայտարարել է, որ իր պապը Ղրիմը չի փոխանցել Ուկրաինային
Նինա Խրուշչովան Նյու Յորքի New School-ի պրոֆեսոր է, քաղաքագետ, գրող, ԽՍՀՄ նախկին առաջնորդի ծոռնուհին։ 1980-ականների վերջերին Խրուշչովան մեկնել է ԱՄՆ՝ սովորելու, Պրինստոնի համալսարանում ստացել իր թեկնածուական գիտական աստիճանը և մնացել Ամերիկայում։ «Կարող եմ պատասխանել, որ Նիկիտա Խրուշչովը երբեք Ղրիմը չի հանձնել Խորհրդային Ուկրաինային։ Հիշենք, որ 1954թ. Խրուշչովը եղել է ՍՄԿԿ ղեկավարը, բայց ոչ՝ ՍՍՀՄ ղեկավարը։ Եթե նայեք այն ժամանակվա փաստաթղթերին, դրանց տակ խրուշչովյան ստորագրություններ չկան։ Հետո՝ կար հավաքական ղեկավարություն։ Ստալինի մահից հետո 1953 թվականից այն կոչվում է «կոլեկտիվ ղեկավարություն»։ Եվ դա լուծեց բոլոր կարևոր հարցերը»,- նշել է Նինա Խրուշչովան։ «Հետո, կարծես, ամեն ինչ բարդեցին Խրուշչովի վրա, քանի որ միշտ հարմար է մեկին մեղադրել ու ասել, որ նա միակ իշխանությունն էր։ Խրուշչովը միանձնյա կառավարիչ չէր մինչև 1958 թվականը, ուստի 1954 թվականին նա չի փոխանցել Ղրիմը։ Այն փոխանցեց խորհրդային հավաքական ղեկավարությունը: Դա տեխնոկրատական, վարչական որոշում էր, հետո մեղադրեցին Խրուշչովին, քանի որ նա սիրում էր Ուկրաինան։ Իսկ հրաժարականից հետո խորհրդային իշխանությունները երբեք չսիրեցին նրան։ Որոշեցին ինչ-որ կերպ «կարել» նրա վրա, մեղադրել։ Բայց ոչ մի փաստաթուղթ չի հաստատում, որ Խրուշչովը Ղրիմը հանձնել է Ուկրաինային», հավելել է Խրուշչովի ծոռնուհին։
