Միջազգային
Նյու Յորքի ոստիկանությունը ձերբակալել է մետրոյում հրաձգության մեջ կասկածվողին
Նյու Յորքի մետրոյում տեղի ունեցած հրաձգության մեջ կասկածվող 62-ամյա տղամարդը ձերբակալության ժամանակ չի դիմադրել: Միջադեպի հետևանքով 23 վիրավորներից 10-ը հրազենային վնասվածքներ են ստացել Յորկան մետրոյում։ Նյու Յորքի մետրոյում տեղի ունեցած հրաձգության հաջորդ օրը, որի հետևանքով վիրավորվել է առնվազն 23 մարդ, ոստիկանությունը ձերբակալել է կասկածյալին․ չորեքշաբթի՝ ապրիլի 13-ին, հայտնել է Նյու Յորքի քաղաքապետ Էրիկ Ադամսը։
Տեղի ոստիկանության ղեկավար Կիչանտ Սյուելի խոսքով՝ 62-ամյա Ֆրենկ Ջեյմսին բերման են ենթարկել փողոցում՝ առանց դիմադրության հանդիպելու։ Նրան մեղադրանք է առաջադրվել հասարակական տրանսպորտում «ահաբեկչական կամ այլ բռնի հարձակում» հոդվածով։ Կասկածյալը պետք է դատարան ներկայանա հինգշաբթի օրը՝ ապրիլի 14-ին։ Նրա արարքի շարժառիթները դեռևս անհայտ են։
