Տեսակետ
«Պոլսո հայության հոգևոր տունն առաջին անգամ իր դռներն է բացում Հռոմի սրբազան քահանայապետի առջև»
Այսօր, 15:13
«Հանուն հանրապետության» կուսակցության նախագահ Արման Բաբաջանյան «Ֆեյսբուքի» իր էջում գրել է․
Կ․ Պոլսի Սուրբ Աստվածածին Մայր Եկեղեցում այս պահին տեղի է ունենում իսկական պատմական իրադարձություն․ Պոլսո Աթոռի Մայր տաճար է այցելել Հռոմի Սրբազան Քահանայապետ Լևոն 14-րդ Պապը՝ կողք-կողքի Ամենայն Տ. Սահակ Բ. Պատրիարքի հետ։
Սա ոչ միայն հանդիպում է երկու հովվապետերի միջև, այլ՝ հպարտության, հավատքի ու ապրված պատմական պահ մեր ամբողջ ժողովրդի համար։ Դարերով Պոլսո հայության հոգևոր տուն Սուրբ Աստվածածին Մայր Եկեղեցին այսօր առաջին անգամ իր դռներն է բացում Հռոմի սրբազան քահանայապետի առջև՝ կրոնական միասնության, փոխադարձ հարգանքի ու հայ ժողովրդի տոկունության բացառիկ խորհրդանիշ դառնալով։
