Տեսակետ

Վրաստանում այսօր չի որոշվում հարցը՝ ԵՄ անդամությո՞ւն, թե՞ ոչ․ Հակոբ Բադալյան

Վրաստանում այսօր չի որոշվում հարցը՝ ԵՄ անդամությո՞ւն, թե՞ ոչ․ Հակոբ Բադալյան

Քաղաքական մեկնաբան Հակոբ Բադալյանը «Ֆեյսբուքի» իր էջում գրել է.

Վրաստանում այսօր չի որոշվում հարցը՝ ԵՄ անդամությո՞ւն, թե՞ ոչ:

Այսօր որոշվում է հարցը, ըստ էության՝ Վրաստանը Կովկասում Թուրքիայի եւ Ադրբեջանի խնամքի՞ն է հանձնվում, թե՞ կառուցվում է Ռուսաստան-Վրաստան-Հայաստան-Իրան-Պարսից ծոց զուգահեռը՝ Ռուսաստան-Ադրբեջան-Իրան-Պարսից ծոց զուգահեռի կողքին:

Խորքային, ռազմավարական իմաստով Վրաստանում այսօր վճռվում է այդ հարցը: Այսօր ասածն էլ իհարկե պայմանական է, քանի որ գլխավոր ինտրիգն այն է, թե կլինե՞ն արդյոք հետընտրական զարգացումներ, թե՞ ոչ:

Ինչպես արտահայտվել եմ, Կովկասի որեւէ երկիր չունի ԵՄ «առանձին» անդամ դառնալու իրատեսական հեռանկար: Ավելին, անդամության տեսանկյունից ԵՄ-ին ամբողջ Կովկասը փաթեթով էլ հետաքրքիր չէ, առնվազն քանի դեռ ԵՄ անդամ չի լինի Թուրքիան:

Իսկ Թուրքիան չի լինի, քանի դեռ ԵՄ-ում որեւէ բան կորոշի Ֆրանսիան, նվազագույնը: Եթե իհարկե Ֆրանսիան ինքնիշխան խաղացող է, եւ կամ՝ Ֆրանսիայում կա այդ երկրի շահ հետապնդող «խորքային պետություն»:

Ի դեպ, այդ համատեքստում, տրամաբանությունը հուշում է, որ Ֆրանսիայի շահից չի բխում ռուս-վրացական հակամարտություն կամ պատերազմ: 2008 թվականին Սարկոզիի դերակատարումը ամենևին պատահական չէ: Ֆրանսիան փորձեց միջամտել ու թույլ չտալ, որ այդ պատերազմը անցնի անդառնալիության մի այնպիսի կետ, որը պարզապես տասնամյակներով կբացառեր ռուս-վրացական որեւէ կոմունիկացիա:

Գնահատեք հոդվածը

0 /5
0
գնահատական