Տեսակետ
Մի պահ պատկերացնու՞մ եք՝ Հանրայինը գրաքններ Շիրակի թեմի առաջնորդին. Պետրոս Ղազարյան
Լրագրող, հարցազրուցավար Պետրոս Ղազարյանը «Ֆեյսբուքի» իր էջում գրել է.
«Լսեցի Աջապահյանի հարցազրույցը, որտեղ ասում է, որ հարցազրույց է տվել «ԵՐԿԻՐ ՄԵԴԻԱՅԻՆ», իսկ այդ հարցազրույցը եթեր չեն տվել։ Հարցազրույցում Աջապահյանը խիստ քննադատում է Փաշինյանին, Քոչարյանին, Սերժին, ՀՀԿ-ին և Դաշնակցությանը։
Մի պահ պատկերացնու՞մ եք՝ Հանրայինը գրաքններ Շիրակի թեմի առաջնորդին և եթերազրկեր վերջինիս։
Լիլիթ Գալստյանը 100 ստատուս կգրեր, որ այս իշխանությունը այնքան սրբապիղծ ու ապազգային է, որ գրաքննում է Եկեղեցուն, Արթուր Խաչատրյանը թղթեր կբերեր ԱԺ, Գեղամ Մանուկյանը թափ կտար էդ թղթերը, Ասպրամն ու Քրիստինեն հայրենասիրական ճառեր կասեին`ապացուցելով իշխանությունների ապազգային և հակաքրիստոնեական էությունը, Իշխան Սաղաթելյանը նոր շարժում կնախաձեռներ, էդ ամենը կլուսաբանեին Սերժի ու Քոչարյանի բոլոր զլմ-ները, ֆեյսբուքյան ակտիվը և վարձու քաղաքագետների կոհորտան։
Տպավորություն է, որ երկրում հեռուստատեսությունները ինչ-որ մեկի հոր դուքաններն են, և միայն Հանրայինը պետք է օբյեկտիվ ու անաչառ լինի։
Իսկ հիմա ոչ մեկի ծպտունը չկա, որովհետև Աջապահյանը քննադատել ա ՀՀԿ, դաշնակ, Քոչարյան, Սերժ։
Հանգիստ գրաքննել են, եթերազրկել Սրբազանին։
Էս չե՞ք»։
