Տեսակետ
Հայաստանի համար այստեղ հնարավորություններն ավելի շատ են, քան ռիսկերը. Հակոբ Բադալյան
Քաղաքական մեկնաբան Հակոբ Բադալյանը «Ֆեյսբուքի» իր էջում գրել է.
«Ռուսաստանի և Ադրբեջանի դաշնակցային հարաբերության «մեխը» Ադրբեջանը Թուրքիայից առավելագույնս տարանջատելն է: Դրանով Մոսկվան կքանդի իր «փորատակով» ձգվելիք ռազմավարական մարտահրավեր պարունակող մի մեծ շղթա:
Այլ հարց է՝ կստացվի՞ լուծել այդ խնդիրը, թե՞ ոչ:
Բայց, դա ըստ էության, ոչ միայն պակաս կարևոր խնդիր չէ, քան ուկրաինական պատերազմը, այլև, հնարավոր է, նույնիսկ առավել կարևոր է: Ահա թե ինչու Կուրսկում ստանալով ծանր իրավիճակ՝ Պուտինը որոշում է մեկնել Բաքու:
Իսկ որ այդ որոշումը կայացվել է հենց Կուրսկից հետո, ունեմ որոշակի համոզում։
Ի՞նչ սպասել այստեղ Հայաստանին: Հայաստանի համար այստեղ հնարավորություններն ավելի շատ են, քան ռիսկերը: Դա չի նշանակում, իհարկե, որ այդ հարաբերակցությունը կյանքի կկոչվի ինքնըստինքյան: Ռիսկը կարող է լինել անգամ մեկ տոկոս, բայց հենց դա էլ կդառնա զարգացման իրական սցենար:
Հետևաբար, այդ հարաբերակցությունը նաև իրական ռեժիմում կենսագործելու համար պահանջվում է տնային աշխատանք: Իհարկե, դա հեծանիվը կամ «պոեզիան» չեն: Դա նախընտրական քարոզարշավն է՝ ուրիշ ոչինչ»:
