Տեսակետ
Ավելի ճիշտ կլինի կանխիկով առևտուր անող թոշակառուին զրկել թոշակից. Հակոբ Բադալյան
Քաղաքական մեկնաբան Հակոբ Բադալյանը գրել է.
««Մենք ինչ-որ առումով մեր թոշակառուներին պատրաստում ենք ռեալ սպասվող իրավիճակին, որովհետև, միևնույն է, էլեկտրոնային առևտուրը դոմինանտ է լինելու, ու айд պարագայում կանխիկն անօգտագործելի է դառնալու: Զարգացած երկրներում այս հարցն ուղղակի չի էլ քննարկվում, կանխիկն արդեն կորցրել է իր առևտրային ֆունկցիոնալությունը». սա հայտարարում է Հայաստանի փոխվարչապետ Մհեր Գրիգորյանը:
Հիշեցնեմ, որ նա կառավարություն է եկել բանկային սեկտորից: Այն սեկտորից, որը 2022 և 2023 թվականներին Հայաստանում ունեցել է ավելի քան 1 միլիարդ դոլարի շահույթ: Իսկ Հայաստանի պետբյուջեն, օրինակ, 2024-ի առաջին կիսամյակում թերակատարվում է 120 միլիարդ դրամով:
Ըստ երևույթին, տարվա ընթացքում գրեթե կես միլիարդ դոլարի եկամուտը բանկերի համար բավարար չէ: Բայց թոշակառուները, գուցե, ասելով չհասկանան, ավելի ճիշտ կլինի պարզապես կանխիկով առևտուր անող թոշակառուին զրկել թոշակից, իսկ երկրորդ անգամ նրա ձեռքին կամ գրպանում կանխիկ փող գտնելու պարագայում ուղղակի ձերբակալել: Եվ ոչ միայն թոշակառուներին»:
